Pilak skulrangkon March 17 tarik dipet kulipilchina ge•eta

0

Shillong, March 8, 2022: Meghalaya sorkarini Additional Chief Secretary aro Education Department-ni Principal Secretary DP Wahlang Sombar salo ia 2022 bilsini Academic Session-na tarigimin calendar-ko ja•rike pilak skulrangkon name aro tom•tome ka•angchina ge•etaniko on•ataha. Ia 2022 bilsio Skulna on•gimin Calendar-ara Academic Session-ko somoi gita a•bachengate somoi gita matchotatna Academic Session-ko March 17 tarikoni a•bachengattaie Pre Primary-ko November 30, tarikona aro Class I-oni Class XII-ona December 21 tariko matchotatchina ge•etangaha. Uni gimin Skulni Calendar gita pilak skulrangkon ka•angtaigen, skulna on•gimin calendar gita March 17 tarikoni a•dokni pilak skulrangko name aro tom•tome ka•angchina ge•etataha.

Indake ong•engon, jadokni porikkarangko skultangtango chanchie tarikko tik ka•anggen. Bilsini bon•kamgipa porikkarangko sena gita skultangtango tarikko tik ka•anggen. Ding•karini chuttikoba skultangtango n tik ka•e watanggen. Uandake selection test-ko seani tarikko MBOSE-ni tik ka•angskagen. Indiba pilak pree primary skulrangko November 30 tariko matchotate class I-oni class XII-ona December 21 tariko matchotatchina didiataha.

Uni gimin pilak gadangni skulrangon somoiko indin re•ataigija jakni changa sapanirangko skie on•na nanga, maina skigiparang pandemic-ni a•sel pilak skul ka•anirangko dontongna nangahani gimin chatro chatrirang an•tangan somoiko ra•e mitamrang online gita skie ra•aha aro mittamara an•tangari noktango poraina jotton ka•aha, indiba chu•onga gita skie on•aniko man•jahani gimin da•o skulrangko kulipiltaie chatro chatrirangna chu•gimik skie on•aniko a•bachengattaina nanga. Skigiparang mamingkon skie on•na man•gija pandemic-ni a•sel indin somoiko re•ataha, indiba ianpako apsandake sakanti chatro chatrirangna changa sapanirang aro skie on•anirangko badiaba jolrangode dongsrangjajok, uni giminsa da•o skulrang gimikko kulipiltaie 100% syllabas-ko ja•rikenba skie on•angtaichina skigiparangko didiataha.

Leave A Reply

Your email address will not be published.