Williamnagar, April 26, 2023: A•chik Organisation for Social Welfare (AOSW) HQ Simsanggre, Garo Hills-o konta 10-na bijoli kimitengani gimin suk ong•gijaniko parakata.
“Bijoliko ru•uta kontarangna dontongatani a•sel bang•a manderang salantio neng•nikaniko man•enga. A•dokni bang•a manderang bijoli dongjani gimin song•na channa, auna-miksuna aro kamrangko ka•na neng•nikaniko man•enga. Poraienggipa chatro chatrirang somoi gita poraina man•jaenga aro office-o kam ka•giparang kamrangko matchotna man•jaenga” ine AOSW-ni Vice-President Tambu Sangma parakataha.
Da•ororoni somoio sal rakchanga, mikka waa aro sal ding•ani, rang•san mikka waani a•sel ka•sinako man•ne bang•a manderang saa ding•ako man•ne, Hospital-rango sanna bannaniko ra•enga. Uni gisepon, bijoli dongjani a•sel Hospital-o saenggipa manderangko sanenggipa aro saenggipa manderang bang•a neng•nikaniko man•enga. Load Shedding-ara bang•a manderangna neng•nikani ong•a baksana sinjetaniko on•a. Uni gimin Power Minister, manderangna maming neng•nikaniko sokatjana gita kamrangko ka•na nanga ineba AOSW didiataha.