Niam gri bijoli kimitaniko consumer court-ona ra•anggen:Bernard Marak 

0

Tura, April 28, 2023: Tura-ni MDC aro BJP State Vice President Bernard N.Marak, Garo Hills-o niam gri aro sorkarini maming ge•etani gri bijoliko kimitengani gimin, Bristibar salo badi ka•e, a•jani Deputy Commissioner-na lekka sedoangaha.

Maming u•iatani gri niamni a•palo ong•gija dake bijoli kimitaniko ba load shedding-ko ra•gataniara a•jao songdongenggipa manderangni janggi tanganiko namen neng•nikata. Ia salrango bijoli gri maming kamkoba ka•na man•ja. Uni gimin niam gri bijoli kimitaniara manderangko kal•steke roani ong•a aro manderangni ra•chakna man•gijani ong•a ine Bernard Marak janapataha.

Uni gimin, “Anga mol•molna sika, official order ba ge•etani dongjaode, bijoli kimitaniko dontongna nanga”. “Indiba official order ba ge•etani dongode, official order copy-ko angna on•bo, songdongenggipa manderang jemangan an•tangtangni electricity bill-rangko somoi gita chu•gimik gamengachim, iano pangchake Consumer’s Court-o badi ka•na man•gen” ine Bernard Marak parakataha.

Leave A Reply

Your email address will not be published.