Baghmara,March 7, 2022: Indian Social Responsibility Network (ISRN) dol South Garo Hills a•jani Department Of Health And Family Welfare baksa 22bakrime Jaksongram songo Covid-19 sabisini tikka ni bidingo aganchanchirimaniko dakangaha.
Ia tombimonganiona Rongara C&RD Block, Baghmara C&RD Block ni karimsakrang, VEC ni President aro Secretary,AWW aro ASHA ni karimskarang bak ko ra•angaha. ISRN dol Garo Hills ni gegni a•jarango MOMENTUM-ROUTINE IMMUNIZATION TRANSFORMATION AND EQUITY (M-RITE) ko ra•angna chanchiani gnang. Ia project ko ra•angani miksonganiara, je manderangan tikka ko su•na kenchipe dongengachim uamangna tikka ni namgniko agantalate on•angna aro diltugipa songrango songdong a•chaenggipa manderangna tikka su•ani gamchataniko sokatna nanganian ong•a ine u•iataha.
Rongara PHC ni Dr. Uday R. Marak unbaksana District Malaria Officer Dr. Bonnie D. Shira jinmana aganprakengon,an•ching Tetanus,Diphteria,Chickenpox,smallpox,Thypoid,Malaria,Pneumonia,Hepatitis aro uandakgipa sabisi rangoni naljoke rakkina somoi gita tikka ko su•na nanga aro covid-19 sabisioni nakjokaniko man•a gitaba covid tikka ko su•na nanga ine u•iataha.