Tura, April 22, 2023: Ma•mongni Consumer Affairs, Food & Distribution Ministry aro Shillong-o donggipa Food Civil Supplies & Consumer Affairs-ni Director-ni ge•etanio pangchake, National Food Security Act (NFSA)-ni namgniko man•enggipa nokdangrang, jemangan Aadhaar Card-na bimingtangtangko segatkujachim, Aadhaar Card-o biming segatna gita ma•mong sorkari, April 1 tarikoni June 30 tarikona ra•dodapataha ine West Garo Hills a•jani Deputy Commissioner Supply u•iataha.
Uni gimin NFSA-ni namgniko man•enggipa nokdangrang, an•tangtangni Aadhaar Card-ko Ration Card baksa seeding ka•na Fair Price Shop Dealer-rango on•ena nanggen, indake uko Fair Price Shop Dealer-rang, DC Supply Office-ona sokatskagen ine u•iataha.