COVID niamko ja•rikgijako District Administration rim•na man•a: MCC aro BJP Youth Wing-ni President

18 Jan 2021, Tura: West Garo Hills a•jani Meghalaya Chamber of Commerce (MCC) dol Deputy Commissioner Pa Ram Singh baksa covid sabisini tarakbee giproroaniko champengna DRDA hall o apsan asonge chanchirimaniko dakangaha. Ia tombimonganio Pa Ram Singh MCC dolni karimskarangko manderangni bosturangko brena dokkan rangchi napengon mask rangko ganchina aro metre 1 chel•grike dongchina didiangaha. “Chinga Meghalaya Chamber of Commerce dolni gita WGH a•jani ning•o donge dokkan dake pale sime cha•enggipa sakantikon mask rangko ganchina ge•etronga aro dokkan ona napbaenggipa mande sakantikon mask gannesa napna mangen ine jinmana u•iatronga. An•chingni a•dok o Omnicron sabisini giproroaniko champengsona gita bang•a ja•kurangko de•na nangenga. Covid Protocols ko ja•rikjagenchim ong•ode District Administration ni manderang am•sandie sing•sandianirangko dakanggen aro protocols ja•rikgijako rimma man•genchim ong•ode sorkarini dongimin niam gita dai ko gamna nanggen” ine MCC ni President Wilver Greham M Danggo aganaha.