SWGH a•ja o Pick-up baksa bike a•sel ong•e janggi gala

0

18 Jan 2022, Ampati: South West Garo Hills a•jani Katalbari songo, monggolbar salni bak o bike-ko salgipa Mahindra pick-up  baksa chatinggrikenba  a•damon janggi galaha. Koborko man•soani gita, bike janggilo a•songgipa bang•a mata bu•anirangko man•e sakna•e dongenga . Ia obosta ong•anio bilsi 18 onggipa Romio Koch janggi galaha aro bilsi 24 onggipa Polison Koch biljrimbee sakame dongenga ine u•iataha.

Pulis dolni jinmana parakatani gitade, ia obosta monggolbar salni attam 5:40 baji mango ong•aha.  Police rangni sing•sandie u•iatani gita bike registration nombor AS 17 D 4148 ko salgipa Mahindra Pick-up gari registration nombor ML 08 F 3215 o su•gakeaha. Bike ko salenggipa chadambe a•damon janggi galaha aro saknaa mangipa mandeko Garobadha PHC ona sanna banna niko man•a gita ra•angaha. Mahindra Pick-up ko salgipa mande obosta ong•ani bikan a•damoni kataha. Ia obostani bidingo Pulis Station o badi ka•anganiko dakangaha.

Leave A Reply

Your email address will not be published.