21 Jan 2022, Shillong: Meghalaya a•dokni Public Health Engineering (PHE) department-ni chi pipe siltongrangko January 6 tariko Assam a•dokni pulisrang ra•sekdrae ra•angaha ine kobor man•aha.Ua pipe siltongrangko Ri-Bhoi a•jani Ummat Songo Jal Jeevan Mission (JJM)-ni gita songni manderangna chirangko sale on•na ra•anggipa pipe siltongrang ong•achim ine u•iataha.
“Meghalaya a•dokni PHE Department chingna sokatgipa chi piperangko West Karbi Anglong-ni Lawmaker Rupsing Teron Ummat songona re•bae, Assam a•dokni sima ariosa JJM project-ni kamrangko ka•enga ine matnange ge-117 chi pipe siltongrangko ra•angchina pulisrangko ge•etaha” ine Ummat songni manderang u•iataha.
Koborko man•soani gitade, Assam a•dokni pulisrang, PHE Department-ni officer-rang aro Ri-Bhoi a•jani pulisrangni mikkango uamangnira•sekanggimin pipe siltongrangko pakwateaha ineba u•iataha.