Chokpot, February 22, 2022: Garo Hills gimikni manderang salsa bate bate Rakesh Newar-ni kosako jegale jingjengataniko dakengon, Chokpot joloba GSU, ADE, FKJGP, AYWO, AHAM, songni Nokmarang, Chokpot jolo songdongenggipa manderang apsan ku•monge Rakesh Newar-ko ra•galkujaengani gimin Mongolbar salo sakgittam dilgiparangni bimangko tarie wa•al so•e galaha.
Sal 22-na Garo Hills gimikni NGO-rang Rakesh Newar-ko ra•galchina dabiengon, a•dokni dilgiparang namrenge ra•engani gimin, Rakesh Newar-ko ra•galja dipet jingjengataniko dontongjawa ine tik ka•angaha.
‘An•ching Chokpot jolni Nokma Sanerang, ma•gipa-pagiparang aro chadamberang hai Rakesh Newar-ko raken jegalna ine ku•mongenba, A•chik jatni GHADC-o Rakesh Newar-ko CEM ong•na on•chongmotjawa’ ine jinma ku•mongangtokaha.
GHADC-de A•chikrangna on•gimin Niam Sunduksa ong•a, uni gimin gipin jatrang maming dakeba GHADC- nape sason ka•na kraja. Chokpot jolni NGO-rang aro songdongenggipa manderang ka•kim chae skotong minister Conrad Sangma, Rakesh Newar aro Nikman Ch. Marak-ni bimangko tarie wa•al so•e galtokaha.
Rakesh Newarko mande dake tarie so•a