NGH-o Rakesh Newar-ko jegale Feb 24 tariko public rally-ko ong•atenga

0

Resubelpara, February 22, 2022:North Garo Hills a•jani nangrimgimin NGO-rang, songni Nokmarang, ma•gipa pagiparang aro chadamberang apsan ku•monge GHADC-ni gital CEM Rakesh Newar Sangma-ko jegale uko ra•galchina dabie re•baenggipa February 24 tarik Bristibar pring 11 bajio jinma re•jomaniko ong•atanggen ine u•iataha.
Jinma re•jomaniko Resubelpara Mini Stadium-oni a•bachengna tik ka•ataha, uni gimin pilak North Garo Hills a•jao songsongenggipa manderang ia jatni dal•begipa kamo apsan ku•monge jatna on•gilpan baksa bakko ra•epachina sakantikon mol•molataha. Uni gimin pilak social media, print media aro electronic mediani manderangba re•bae photo-rang aro vedio-rangkko ka•e, Garo Hills gimikchin gipatpachina gitaba mol•molataha.
GHADC-de A•chikrangnisa, gipin jat sason ka•aniko ra•chakna man•jawa, A•chik jat Tangbangchina A•chik a•song silroro namrorogipa ong•china ine NGO-rang ku•monganiko on•ataha.
“An•ching da•alonin mikkrakna nangengjok, apsan ku•mong nangrime krimkro jatsan ong•na nangengjok. Sikap tangkap jatna dakgrikna nangengjok uni gimin hai an•ching apsan rally-o bak ra•angna” ine sakantiko ku•mongataha.

Leave A Reply

Your email address will not be published.