Tura, February 27,2022: WGH a•jao MDC Cup Football Tournament ko re•anggipa bilsini October jaoni a•bachengatenba ia bilsini February jani 26 tarik o tomtome matchotataha. Ia kal•susaaniko Donbosco Playground o ong•atangaha. Ia tournament o me•asa dol 96 aro me•chik dol 11 bak ko ra•angaha.Covid sabisini a•sel jingjengatanirangko man•ani ja•mano,WGH a•jao ian skanggipa changna kal•susaaniko ong•ataha.
“An•ching a•songo covid sabisini a•sel bang•a manderang nokoni ong•katna man•jae be•enni gita aro taning ni gita neng•nikarangko man•toka. Iarangko nigrike dal•drobaenggipa chadamberangna anga aro Tura BJYM apsan nangrime ia tournament ko ong•ataha jedakode chadamberang ka•lanichiba be•en rangko an•seng baljokatna aro taning rangko apbaldapatna man•gen” ine Pa Bernard Marak aganaha.
Ia tournament o me•asarangni dol 96 donggenchimoba,Pringprang FC name kal•susae skanggipa boksis ko man•aha aro Greenwood FC gnigipa boksis ko man•angskaaha.Uandake me•chik dol oni Red Dragon FC gipin dolrang baksa kal•anio che•enba Final round ona doe South West Women FC baksa su•saanio chegipa ong•e skanggipa boksis ko man•angaha aro South West Women FC gnigipa boksis ko man•aha.
Chegipa dol oniko Best Player aro Best Goalkeeper ko seoke boksis rangko on•angaha