Shillong, February 27,2022: West Khasi Hills a•jani pulis dol, Inspector General of Police (Law and Order), Mukesh Singh ni dilaniko man•e niam gri koila bikotgipa rangni bidingo nirok sandianiko dakna Nengchigen songona re•angaha ine koborko man•soaha.
Koborrangko man•soani gitade pulis dolni sing•sandianiko dake uamangni man•gipa sakki ko High Court ona taraken tarie watatgnok ine u•iataha.
Nengchigen songni Nokma ni badi ka•aniko man•soe High Court suo moto public interest ligitation (PIL) ko ra•gatangaha. Pulis dolni Nengchigen songona re•ange sing•sandie man•gipa sakki ko WKH a•jani Chief Secretary Rebecca V. Suchiang High Court ona uamangni dongimin somoina skang sokatgen ineba u•iataha.