Tura, Nov 26, 2022: Sonibar salo Araimile Socio Cultural Club (ASCC) lottery kal•aniko ong•atangaha aro ia kal•aniko re•anggipa November 19 tarik Sonibar salon kal•na gita tik ka•ahachim, indiba dongimin salo kal•na gita man•jahani gimin November 26 tarik Sonibar salo kal•atskaaha ine u•iataha.
Ia Lottery-ko kal•anio skanggipa bokaisko Terseng M Sangma man•angaha, gnigipa boksiako Kerit Sangma aro gittamgipa bokaiako Tithue Ch Momin man•angskaha.
Araimile Socio Cultural Club, jekon skango Araimile Youth Socio Cultural Culb ine mingachim, uko gital daktaie Youth-rang dingtang dingtang activities-rango bakko ra•na gita donaha, “Chinga Youth-rangko Tura League-oba kal•dilaha aro uano chinga final-ona doe mingna B- division-ni runners-up ong•e A- division-ona doangaha” ineba u•iataha.
“Chingni miksongani ba objectives ge•prak ge•prak dake donga, da•o gita rotery objective-koba fund raise ka•na gita ong•ataha. Chinga da•odipet darangni dakchakaniko ba fund-rangko man•kujaengani gimin, chinga antangtangan rotery-ko ong•ataha.Chinga mikangchi dingtang dingtang program-rangko ong•atangna gita miksongani gnang, jekai care guidience, drugs abuse” ine Araimile Socio Cultural Club-ni Founder Salnangra M Marak parakataha.