Meghalaya JDU-ni sakgni dilgiparangko party-oni ra•gala

0

Williamnagar, April 13, 2023: Meghalaya Janata Dal-United (JDU) Party-ni sakgni dilgiparangko ra•galaha ine Monggolbar salo songbad-na Meghalaya-ni JDU Secretary u•iataha.
Meghalaya-o JDU party-ni dilgiparang dongengoba, party-ni dilgipang re•anggipa election-o gipin candidate-rangna kamko ka•skaha. Indake ong•genchimoba, Williamnagar-o JDU party-ni candidate ong•e susaengon, nambatgipa candidate ong•e, bongagipa biapko man•rikaha, indiba sakgni candidate-rang, jemangan North Tura aro Phulbari-o susagiparang tang•onrikaha.
Meghalaya JDU-ni Convenor, Robinus T Sangma, jean JDU party-ni candidate ong•e Williamnagar-o susahachim, uni agana gitade, Meghalaya JDU-ni Secretary Cyril D Marak aro Executive Membor Nehru T Sangma-ko party-ni kosako ong•gija kamrangko ka•ani gimin party-oniko ra•galaha ine parakataha.
Cyril D. Marak re•anggipa election-o candidate-tangna kam ka•mike sruk sruk gipin party-na kamrangko ka•e on•ako party-ni ka•rimskarang uni kamko nirikkie ma•sina man•aha. “Ua an•tangko gipin political party-rangna palenba, party-o kam ka•giparangko dilsretaha aro apsan gadango ong•gija party candidate-rangni kosako kamko ka•aha” ine Robinus Sangma parakataha.
Nehru T.Sangma-ba ong•gija dake, “an•tangko palaha” doltangko-ko be•atna gipin dol-na dakchaskaha” aro Robinus T.Sangma-ni kosako ong•gija kattarangko aganne matnangaha ineba parakataha.

Leave A Reply

Your email address will not be published.