Tura, April 13, 2023: West Garo Hills a•jani Deputy Director of Supply, Tura Sadar Division-ni pilak AAY, PHH aro Non-NFSA nokdangrangna April jani mirongrangko NFSA aro Non-NFSA-ni ning•o pangchake kangal nokdangrangna mirong watataha ine u•iataha.
Uni gimin pilak Tura Sadar Division-ni ning•o donggipa Fair Price Shop Dealer-rang sorkarini dongimin niam gita rimit rong AAY card kingprako nokdangni mande sakprakna mirong kg 5 ka•e jaanti, gitchak mrang rong PHH card kingprako nokdangni mande sakprakna mirong kg 5 ka•e jaanti indin tangka gri suale on•china aro rong tangsim card Non-NFSA nokdangrangna mirong kg 7.11 ka•e, Price Vigilance Committee-ni dam tik ka•gimin gita mirong kg prako gong 13 ka•e, una batgija palchina ge•etaniko on•ataha.
Uni gimin pilak kangal nokdangrang kosako janapgimin gita an•tangtangni Fair Price Shop Dealer-rangoniko tik ka•gimin dam gita aro indin tangka gri ra•etokchina Supply-ni Deputy Director ge•etaniko on•ataha.