Tura, August 7, 2022: Meghalaya TMC Independence Cup-na robol kal•susaaniko New Tura Field-o a•bachengataha. Ia football tournament-ko Rangsakona elekka-ni MLA Zenith Sangma oprake on•angaha. Indake ia tournament-ko oprake on•anio WGH a•jani TMC Convenor Richard M. Marak aro gipin dilgiparang bakko ra•anggaha. Tournament-ni skanggipa salo South Tura elekka-ni Hawakhana aro Reserve gittim kal•usaangaha.
TMC Meghalaya a•dokni bang•a biaprangon Independence Cup-na robol kal•susaaniko ong•atenga ineba u•ataha. Ia tournament-6ko oprake on•engon MLA Zenith Sangma, “TMC dol dal•drobaenggipa chadamberangna chanchie kamko ka•enggipa dol ong•a. Chinga mikkangchiba chadamberangko an•saoatna bang•a ka•lsusaanirangko ong•atanggen. Da•lo Kal•susaanirang mandeni be•enko an•seng baljoke rakkina dakchakaniko on•a” ine aganangaha.
Indake tournament ni skanggipa salo TMC dolni bang•a dilgiparang jekai TMC West Garo Hills a•jani District Coordinator Sapford N Sangma, North Tura ni gitcham MLA Noverfield R Marak aro Tura ni gitcham MDC Rupert Sangma bakko raangaha