GSU-WZ, Dadenggre-ni kosako matnanganina talata

0

Tura, March 29, 2022: GSU Western Zone (North) Dadenggre-ni ning•o donggipa Unit-ni dilgiparang March 27 tariko tom•aniko ong•atangaha.

“Ching GSU-WZ (North) Dadenggre-ni ning•o donggipa Selsella Unit, Rajabala Unit, Rajabala Unit, Tikrikilla Unit, Chibinang Unit, Damal A•sim Unit, Matcharimgre Sub-Unit, Rimbegre Unit aro Jangrapara Unit-ni dilgiparang jinma apsan tom•aniko ong•atengba GSU Western Zone (West) Raksamgre-ni General Secretary Tengroang Marak-ni sing•atangnirangna aganchakaniko on•atna sikenga. Chinga GSU-WZ (North) Dadenggre aro gipin Unit-rang bang•a changna tom•aniko ong•atesa jinmani ra•chakaniko man•ne Tengsan Marak-ko President songaha. Chinga ia kamko darangni mittinoba ka•ja, indiba jinmani nikaniosa ka•a” ine GSU Dadenggre talatskaha.

Phulbari Regional Unit da•alona kingkingba GSU Western Zone (North) Dadenggre-ni ning•on ga•aka, uamangni tol•e matnanganiara kraani ong•chongmotja. Chinga Zone-ni membor-rang aro Unit-ni dilgiparang jinma chanchianiko dakenba Phulbari Regional Unit-o gital President aro General Secretary-ni chokkina eleksinko ong•atanggen. Phulbari jolni chatro chatrirangba ia eleksin ong•ataniko nangniktokenga. Je manderangan chu•onga gita bida donga aro a•jatang jattangna an•tangko on•kange kamko ka•na miksongani gnangchim, uamang ia eleksino President aro General Secretary-ni chokkina susaanggen ineba GSU Dadenggre parakataha.

Leave A Reply

Your email address will not be published.