Shillong, November 26, 2022: West Jaintia Hills a•jani Mukroh songo ong•anggipa obostani bidingo a•dok gimikni manderang kalimaniko dakangaha.
Indake a•doko tom•tomaniko rakkina gita November 26 tarikni pring 10:30 bajioni mobile internet-ko kanta 48-na dontongdapataha ine koborna parakataha.
“Indian Telegraph Act 1885-ni Section 5 (ii)-o pangchake, Meghalaya a•dokni dam 7 a•jarang jekai West Jaintia Hills, East Jaintia Hills, East Khasi Hills, Ri-Bhoi, Eastern West Khasi Hills, West Khasi Hills aro South West Khasi Hills a•jarango November 26 tarik pringni 10:30 bajioni mobile internet-rangko kanta 48-na ra•dopataha ine parakataha.
A•dokni dam 7 a•jarango Mobile Internet-ko dontongatengon, jinmani namgnina aro a•doko tom•tomaniko rakkina ja•ku de•anisa ong•a” ine Home Department-ni Principal Secretary, Dr. Shakil P Ahmed u•iataha.