Chokpot, April 13, 2023: South Garo a•jao donggipa Chokpot Market-ko kulie on•jani gimin, GSU Chokpot Unit suk ong•gijaniko parakataha. Batanggipa 2018 bilsio sanctioned ka•gipa tangkachi Chokpot bajaro rikenggipa Mini Market-ko da•onaba matchotchipgija galchipe donaniko nike GSU Chokpot Unit raken jegalataha.
GSU Chokpot Unit-ni Secretary Te Tangke R.Marak-ni u•iatani gitade, Chokpot-o mande jelani namen tang•doaha aro Sub Division ong•ani gimin bajar anti cha•gipa manderang janggi tanganina an•tangtango man•enggipa nolam biterang aro nanarokkom bosturangko palna sim•na gita iandakgipa market-ko nangchongmota. Mikkangchi indakgipa market-ko rikgija galchipode, jakkalna man•gija gimaani ong•gen.
Uni gimin je department-an ia kamko jako ra•engachim, matchote rikenba ta•rake oprake on•china GSU dabiangaha.