Assam, April 9, 2022:Assam a•dokni Kokrajhar Special Court, re•anggipa bilsio sakgni tribal me•chikrangko kragija til•ekdrae so•otgipa sakgittam manderangko Sukrobar salo sia sijana kingking sastiko on•china ge•etaniko on•aha.Dos dakgipa sakgittam manderanga Muzammil Sheikh, Nazibul Sheikh aro Farizul Rahman-ko April 6 tarik Budbar salo dos dongchongmota ine raiko on•aha.
Iani bidingo Assam-ni Skotong Minister Himanta Biswa Sarma Court-ni ge•etaniko namnikpaaha aro Special Investigation Team (SIT) ia mamlako ta•rake sandianiko dakgen ine ka•donganiko parakataha.Ia mamlako Kokrajhar Session Court, dos dakgipa sakgittam manderang Muzamil, Najibul aro Farizul sakgni tribal me•chikrangko drae til•ekani ja•mano so•ote galahani gimin siani boksisiko uamangna on•china ge•etaha ine Skotong Minister tweeted ka•ataha. “Anga duko ga•akgipa nokdangni manderangko re•anggipa bilsini June 13 tariko grongeaha aro ia mamlako SIT jako ra•s sandianiko dakenba matchotatchina ge•etaha” ineba Skotong Miniater parakataha.
Kokrajhar-ni IGP, LR Bishnoi-ni tweet ka•atani gitade, jean SIT-ko skotong ong•e dilahachim, konta 48-ni gisepon ia mamlako Kokrajhar pulis sandie matchotaha ka•donganiko Skotong Minister-na u•iataha.IPS, Dr LR Bisnoi-ni Tweeted ka•atani gitade, ia a•sel re•anggipa bilsini June 11 tariko ong•ahachim.Ia a•sel Kokrajhar Pulis Station-ni ning•o donggipa Abhayakhuti songo tribal me•chik sakgniko til•ekdraani ja•mano so•ote galgipa sakgittam manderangko rim•aha.
Til•ekdragipa manderang a•bachengode sakgni me•chikrang an•tangtangko kae siaha ine uamangni manggisiko bolo kadingdee mesokenba mamlako olgrokatna jotton ka•aha. Indake ong•oba, Kokrajhar pulis ia mamlaoni tol•e jokna pa•sikenga ine ma•sina man•aha.
Assam-ni Skotong Minister Himanta Biswa Sarma, ia mamlani bidingo re•anggipa bilsini June 13 tariko duko ga•akgipa nokdangni manderangko grongeaha aro SIT-chi sandianiko dakchina ge•etaha.
Ia mamlao jak donggipa sak 7 manderangko pulis rim•aha. Dos dakgipa sak 7 manderanga Muzammil Sheikh, Nazibul Sheikh, Farouk Rahman, Hanif Sheikh, Jahanur Islam, Md. Atab Ali aro Sankarde Barman ong•achim, indiba uamangoni mongsongbate dos dakgipa sakgittam manderanga Muzammil, Nazibul aro Farizul ong•a ine pulis parakaha.