Resubelpara, April 9, 2022:National Peoples Party (NPP) Bajengdoba Block, Sukrobar salo General Meetingko Bajengdoba Line A•ding kal•chakramo ong•atangaha.Ua tom•bimonganio Meghalaya a•dokni NPP Working President Semford B Sangma mongsonggipa sokgipa ong•e bakko ra•angaha aro Bajengdoba-ni MLA aro State Level Public Grievances Committee-ni Chairman Pongseng R. Marak mande ra•e okamako man•ne tom•anio dongpae bakko ra•angaha.
Unbaksa gipin NPP-ni dilgiparanga Bolsong-ni MDC aro NPP North Garo Hills-ni District President Crozier G.Momin, GHADC-ni gitcham CEM Winsang Ch Sangma aro NPP dolni chadambe dilgiparang dongpae bakko ra•angtokaha. Indake ong•engon, gipin doloni sak richasana bate NPP dolo napegipa gital membor-rangko rimchaksoenba mande ra•aniko dakangjolaha ine u•iataha.