Shillong, April 15, 2023: India a•songni Prime Minister Narendra Modi sukrobar salni bak o Assam a•dok ona re•baenba North East ni skanggipa All India Institute of Medical Sciences (AIIMS) ko oprake on•angaha. Ia hospital ko rikangna kror 1,123 tangkarangko jakkalangaha.
Ia Hospital Assam a•dokni manderangnasan ong•aigija North East a•dokni pilak manderangna nama sanna banna niko on•anggen.
Uasan ong•aigija ua Assam a•dokni Nalbari, Nagaon aro Kokrajhar bi•aprangoba PM Modi Medical college ko oprakangaha.
Prime Minister Narendra Modi, Assam a•dokni sorkari aro IIT Guwahati ni ku•monge rikna miksongenggipa Assam Advanced Healthcare Innovation Institute (AAHII) naba Foundation Stone ko songe on•angaha.