TGCSU eleksinko ong•atchina dabia

0

Tura, April 1, ,2022: Tura Government Kolege-o re•anggipa 2019 bilsionin Annual Eleksin-ko ong•atkujaenga ine koborna parakataha.
“Tura Government College Students’ Union (TGCSU)-na eleksin- rangko ong•ate dingtang dingtang post-rango dilgiparangko seokna nangchong•mota. Indiba TGC-o re•anggipa 2019 bilsioni da•alona kingkingba eleksinko ong•atkuja ine parakataha.

TGCSU-ni parakata gitade, Lyngdoh Committee Recommendation, 2016 bilsi May 16 tarikni Sec 6.4.2-o janapani gitade India a•songni pilak Higher Secondary, Kolege aro University-rango bilsi antian poraienggipa chatro chatrirangni ku•rangko parakna eleksinko ong•atna nanga. Ia obostani bidingo chinga changni chang Principal-ko gronge aganahachim, indiba da•alona kingking chingni nangnikanirangko chu•sokatkuja. Kolege-o poraienggipa chatro chatrirangni bilsiantio gamenggipa gong hajar 2 kolatchi fee-rangoni mitam tangkarangko TGCSU-ni fund-na ra•rikenga. Indake 2019 bilsioni chatro chatrirangoniko tangka paisarangko ra•genchimoba kolege-o changsaba eleksinko ong•atkuja aro poraienggipa chatro chatrirangni gamenggipa tangkarangko mai kamna jakkalskaenga ukoba u•ija. TGCSU-ni office bearer-rang gimikan pass ka•e graduate ong•tokaha, uamang maning dakeba TGCSU-ni membor ong•na gita man•jaha. India a•songni Lyngdoh Committee-ni Sec 6.1.8-o janapani gitade je chtro chatrirangan high skul, kolege ba University-rango Regular Student ine register ka•achim, uamangsan eleksino bakko ra•e dilgipa ong•na man•gen ine sea gnang.

Indiba TGCSU-o da•alona kingkingba gital dilgiparangko seoka dongkuja. Iaani bidingo FKGJP, TGC-Cell aro GSU Tura Government Kolege Cell tom•aniko ong•ate eleksinko ong•atchongmotna nanga ine dabiangaha” ine FKGJP, TGC Cell aro GSU Tura Government Kolege Cell-ni dilgiparang u•iataha.

Uni gimin chinga Higher and Technical Education-ni Director aro WGH a•jani Deputy Commissioner-ko mol•molna sika, Tura Government Kolege-o niamko ja•rike TGCSU-ni eleksin-ko bilsi antian ong•ate dilgiparangko seoke on•na nangchong•mota ine dabiangtokaha.

Leave A Reply

Your email address will not be published.