Shillong, May 11, 2022: Meghalaya Power Distribution Corporation Limited (MePDCL) pilak bijoli jakkalenggipa sakantina mikkrakataniko on•ataha.
Shillong MePDCL Office-ni Director (Distribution)-ni mikkrakatani gitade, da•ororo bijoli jakkalenggipa bang•bata manderangni nokrango nikna man•enga. Chong•motan, MePDCL Office-na maming u•iatgija an•tangtangni parakgimin load ba ra•gimin load-ko dingtang dingtang kamrang ba cholrangchi baridapate jakkalaniko jekai nok ba room-rangko rikdaprikrike, bijoli krongrangko songdape bijoli jakkalaniko ba una agre nokna jakkalgipa ba ra•gipa (domestic) bijoliko dokkanrang (commercial)-na jakkalanirangko nikenga.
An•tangtangni parakgimin ra•gipa (connected) load-ko light-bill-oniko sandina man•gen. Kosako janapgimin gita dingtang dingtang cholrangchi ong•gija dake bijoliko jakkalode, Indian Electricity Act, 2003, section 125 aro 135-o pangchake sastiko man•gen aro dai gamna nanggen ine parakataha.
Uni gimin MePDCL-ni u•iatani gita pilak manderang an•tangtangni sepangbatgipa MePDCL Office-ona re•ange, an•tangtangni chong•mot ba kakket load-ko u•iatpachina ba parakatpachina MePDCL mol•molataha.
Ia u•iataniko dakjagenchimode ba ja•rikjagenchimode, office-ni manderang sing•sandianiko dakanio office-na parakgimin connected load-na badee jakkalanirangko rim•a man•ode ba domestic supply-ko dokkanrangna jakkalanirangko nikode ba saoba complaint ka•genchimode, ua nokni bijoli supply-ko den•galgen aro dai gamna nanggen aro niamo pangchake minggnina sastiko man•gen ine Shillong MePDCL Office-ni Director (Distribution) u•iataha.