HNYF roster system-ko nangnika, indiba skang gita apsanko ja•rikna nanggen

Shillong, April 13, 2023:Da•roro a•doko Roster System-ko ra•gatchina dabitokengon, Roster System-ko ra•gatgenchimoba skangni niamko dingtangatgija jakkalna nanga ine Hynniewtrep National Youth Front (HNYF) didiangskaha.

HNYF-ni President Sadon K Blah Monggolbal salo kobor ra•timgiparangna aganengon, a•dok sorkari roster system-ko mai miksonganio ra•gatengachim, talatan baksa manderangna ka•donganiko on•na nanggen, uni gimin gitcham policy-ko dingtangatgija roster system baksa ra•gatgenchimode, niksamsoe kam ka•na man•gipa ong•na nanggen aro gitcham niamko nipile kam ka•na nanggen. Ia niamko Meghalaya High Court passed ka•ahaode, roster system-ni gimin janapna nangjajok aro batanggimin gitcham kamrangko jakkalpiltaina nanga ineba Blah agandapataha.

Dabina nanganide, state reservation policy-ko nipiltaina nanga ine Blah aganaha, “Niam gitade, reservation policy-ko Supreme Court-ni niamon bilsi 10-nasan ong•aia, je reservation-an 50% ong•na man•jawa. Uni gimin chingni legislation-ko ra•baanide, pilak reservation-kon nipiltaina nanga aro iani bidingo judiciary-sa chanchina man•a, ong•jaode bang•a issue-an ong•gija kamo nangchakegen” ineba ua aganaha.

Manderang Supreme Court-ni niamko ma•sitoka, niamo pangchakesa reservation-ko ra•chaka aro reservation-de niamo rakkigiminsa ong•a.
Unbaksana, Assembly-o Roster System-ko passed ka•oba, judiciary-sa niamko tarigen, je reservation-kon skangonin name ja•rikbaenga, ukon ja•rikangkuna nanga, uni gimin reservation-ko nipilanide, mamingba namgijani dongja, indiba 50%-de ong•na man•jawa ineba Blah aganaha.