Tura, May 11, 2022:Adita salrangna skang Ri-Bhoi a•jani Nongpoh-o ong•atanggipa “Farmers World Cup, 2022” -o West Garo Hills a•jani robol kal•gipa me•chik dol cheahani gimin, District Administration kusi ong•chakaniko parakata baksana nama sikaniko parakataha.
West Garo Hills a•jani robol kal•gipa me•chik dol ba Women team, kal•susaanio nambatgipa goal keeper-na seokako man•ne boksisko man•baha aro kal•susagiparangni gisepo bang•bate goal chipna man•gipa dol ine mingako man•aha.