Baghmara, May 10, 2022: Garo Students’ Union (GSU) Siju Regional Unit-ni President Te Ralseng Marak, Right To Education (RTE) 2009-o pangchake ‘Compulsory Education’-ko pilak poraienggipa chadamberangnan ra•gataha, unbaksana Pupil Teacher Ratio (PTR) skulo skigiparangna aro poraienggipa chatro chatrirangna nambata biapo asonge bidako skie ra•china miksonge skul building nokrangko rikatna tangkarangko chamataha ine janapataha.
Indake ong•enggon, Siju-o rikenggipa Model Skulko Ministry of Human Resource Development (MHRD), “Rashtriya Madhyamik Shiksha Abhiyan” (RMSA) scheme-oniko 2012-13 bilsio chamataha. Indiba ia skul nokko da•alona kingkingba rika matchotkujaenga.
Uni gimin contractor-rang ia kamko matchote ka•e on•china nangnike GSU Siju Regional Unit, South Garo Hills a•jani Deputy Commissioner-na Monggolbar salo lekka sedoataha.