Nongalbibra-ni Rejina Sangma gipin jatko seke katenba ma•gipa pagipako chonnika

0

 

 

Baghmara, April 9, 2023:South Garo Hills a•jani Nongalbibra bajar jolo donggipa Ma Hasina M.Sangma-ni demechik Rejina M.Sangma, re•anggipa February 23 tarikoni gimaenga ine kobor man•aha.

Koborni gitade, me•chikni ma•gipa Hasina M.Sangma demechikni gimaako Williamnagar Pulis Station-o Missing Report on•aha, indiba da•alona kingking maming kobor dongkuja ine phone gita songbad setimgiparangna u•iataha.

Ma•gipani aganata gitade, Rejina M.Sangma Williamnagar Loyola College-o poraiengachim. Ua saming bachi re•angaha aro bano ong•enggen, noko so•sojengjeng ong•e, gimikchinan kobor on•ate, sandiataha. Indiba darangan Rejina Sangma-ni gimin kobor on•na man•jaha. Indake, “Angni duk ong•e noko dongengmittingo Nongal-ni pulis, gipin jat me•asa baksa katangaha, ine angna kobor on•ataha. Uni ja•manosa ua me•asani ma•gipa pagipa Nongal bajaron dokkan dakenga ineba ma•siaha. Indiba ua me•asa Assam-o poraie, ma•gipa pagipani nokona re•baako nikrongja” ine me•chikni ma•gipa aganataha.

Ua me•asani ma•gipa pagipako pulisrang thana-ona okamate, photo mesoke, ia na•songni depantema ine sing•on, hoe ine ku•rachakaha. Indake ong•ode, na•song uamang sakgniko nokona rimbapile on•bo ine pulis, ma•gipa pagipako didiataha ineba me•chikni ma•gipa agandapataha.

Pulisni aganata gitan me•asani ma•gipa pagipa, me•chikko rimbapile on•gen ine ku•rachakani gimin, me•chikni ma•drang senge dongaha. Indiba jasa batangahaoba Rejina Sangma-ko rimbae on•na man•jaha.

Indakmitting somoio, Rejina Sangma an•tangni photo-rangko social mediarango watate, ma•gipa pagipako chonnike, “angni ma•gipa pagipa ong•ja, angade gipin jatni bi•sasa. Aro uamang ang segipani ma•gipa pagipako domki on•ne, nokrangko so•e galna ka•mikkenatenga” ine seenba social mediarango gatataha.

“Uko niksoe anga ma•gipa ong•e, namen duk man•aha. Uko nama kattarangchi mol•mole rimbana jotton ka•oba, batesa chingko chonnikpangpile roaia. Jegitaba ia bi•sako gisik pil•atatna man•jawaha ingipao chinga jrip donaiaha. Ma•gipa pagipako chonnikani biteko ja•mano ma•sigen” ine aganataha.

“Ia bi•sako chinga mande ong•chinasa nama college-o tangka paisa bon•ne poraiatachim. Indiba chingni poraiatako chu•ongnikjae, gipin jatko seke kataha. Aro chingkosa chonnike roskaenga. Uni adatang aro jonggipa sakgni gnang, bisongan skul namao poraigija biko college namao watchina on•aha. Indiba da•alo nogipani indakgipa kamna suk ong•tokjajok. Uni namgijani a•sel chingna dal•bea dukni aro kratcha•beani ong•aha” ine ma•gipa suk ong•gijaniko parakataha.

Leave A Reply

Your email address will not be published.