Tura, April 24, 2022: Garo Students Union Western Zone North Dadenggre ni President Tengsan Marak,” Phulbari Regional Unit-ni Chief Election Commission re•anggipa 22 tarik o General Secretary aro President ni bi•ap na eleksin ko ong•atangaha. Ia eleksin chanchisamsoa gitan tomtome matchotangaha aro Phulbari Regional Unit na gital dilgiparangkoba seoke on•angna gita man•aha” ine u•iataha.
Eleksinko Phulbari songni Shyamnagar Higher Secondary Skul o ong•atangaha aro bang•a poraienggipa chatro chatrirangba re•bae vote rangko on•eaha. Eleksin o chegipa ni bimungrangko Returning Officer Benethson R Marak, Barabari Upper Primary Skul ni Skigipa Probash D Sangma aro Masangpani Phulbari ni Nokma jinmana parake on•angskaaha. Gital se•okako man•gipa membor ranga Tribinath D. Sangma ko President, Peterjob A. Sangma ko Vice President, Pangsrang A. Sangma ko General Secretary, Rikbante A Sangma ko Assistant General Secretary, aro Champion R Marak ko Assistant General Secretary na jinma ku•si ong•e se•okangaha.
GSU Western Zone North Dadenggre dolni karimskarang gital se•okako mangipa membor rangna nama skaniko on•angaha. Gital seokako mangipa membor rang bilsi 5 ona kingkingde a•jatangna kamko ka•e dangdike on•angna nanggen ineba u•iataha