Baghmara, March 26, 2022:Mijal March 25 tarik Sukrobar attamo pekgipa bosturangko Jadi jolo palna gario salbaenga ine ning•joljol koborko man•soe, ANTF dol sandirikitaniko a•bachengate, pilak garirangko sandiengmitting somoio chanchichipanio Dhubri a•jao donggipa Fakirganj Barkaila songni saksa bilsi 22 ong•gipa Md Kashem-ko rim•aha ine South Garo Hills a•jani pulisrang koborna parakaha.
Indake rim•a man•gipa mandeni dilangachi bolsa Bolero Pick Up, AS-14C-8239 aro ua gariko salgipa apsan Dhubri a•jani Kazipara songo donggipa Fozurul Rahman-ni garioniko sandimittingo bottle te-500 pekgipa ringani Phensidry samko man•aha aro Nongalbibra Pulis Station case no. 03 (03) 2022 u/s 22 (C)/29 NCPS Act-o pangchake mamlako segataha aro rim•a man•gipa sakgni manderango sing•sandianiko dakengkua ine SGH pulis parakataha.