Nagaon pulis drugs badinggipa aro jakkalgipa manderangko rim•a

0

22 Jan 2022, Nagaon: Assam-Nagaon district-ni 𝗔𝗻𝘁𝗶 𝗡𝗮𝗿𝗰𝗼𝘁𝗶𝗰𝘀 𝗦𝗾𝘂𝗮𝗱 (𝗔𝗡𝗦) pulisrang Nagaon District-o drugs jakkalgiparangko aro uandakgipa kamrango jak donggiparangni kosako dondikgija sandirikitanichi adita sak drugs badinggiparangko rim•taina man•aha ine kobor man•aha.
ANS, Nagaon pulisrang ning•il ning•il drugs badingsrukgiparangko kobor man•soe am•sandianiko dakna a•bachengataha aro bang•a drugs jakkalgiparangko rim•na man•ne chu•sokgipa ong•aha ine parakataha.
Uamang (ANS) changni chang indakgipa kamrangko ka•gipa aro badinggiparangko am•sandiani somoio ge 100-na bate samrangko ra•chakgipa ba donchakgipa (container)-rang, mandeko tusidimuate pekatgipa ringani, Heroin-ni bakos ge 3 aro ritcha bate Narcotic Tablet-rang, tangkarang, garirangko ra•sekan baksa Nagaon-ni dingtang dingtang biaprangoniko sak 25 denggu manderangko Nagaon Pulisrang rim•aha ine kobor man•soaha.
Nagaon pulisrang Namghar sepango donggipa Panigaon Itachali songoniko sak 4 manderangko rim•aha. Uamangoniko ge 21 drugs container-rangko man•aha. Gipin sak 3 manderangko rim•an baksa sak 2 me•chikrangko Goru field Amlapatty sepang Nagaon-o rim•aha. Uamangoniko ge 57 drugs container-rangko man•aha. Una agreba sak 2 manderang baksa me•chik saksako Kalita Namghar sepang Teliagaon-oniko rim•aha. Uamangoniko heroin bakos ge 3 baksa tangka gong 12.5 Lak-ko man•aha. Indake Haibergaon-oniko saksako rim•aha aro uanoniko heroin bakos ge•sako man•skaha. Unbaksana Nagaon Jail Road sambaoniko sak 2-ko rim•aha aro uamangni e-rickshaw-o salangenggipa drugs container-rangko man•aha. Uni ja•mano dingtang dingtang drugs badinggipa sak 3 baksa me•chik saksako Mohkhuli Medical sepangoniko rim•na man•aha. Uamangoniko ge 100 bate Narcotic Drug Tablet-rangko man•aha. Una agreba Milonpur dollong sepangoniko sak 2-ko rim•aha aro uamangoniko ge 21 drugs container-rangko man•aha. Indake Nagaon Dhakaipatty jolo drugs ringan baksa drugs biji su•enggipa sakgittamko rim•aha. Unbaksana Haibergaon Railway Station sepango joltangni chadamberangna drugs palmitting aro drugs jakkalchina rimangenggipa sak 3 chadamberangkoba rim•aha. Bon•kame Nagaon Civil Gate jolo drugs group-ko ong•atna jotton ka•mitting aro drugs bregiparangna palenggipa sak 2-ko rim•dapaha ine u•iataha.

Leave A Reply

Your email address will not be published.