Mallangkona, May 9, 2022: West Khasi Hills a•jani ning•o donggipa, Mallangkona songni NGO dolsa chong•motan Mallangkona Joint Action Committee (MJAC), Garo Hills-ni NGO dilgiparangko re•baenggipa ia jani 16 tariko ong•atenggipa tom•anio bakko ra•epachina mol•molataha.
MJAC-ni NGO dilgiparangko okamatani gitade, re•baenggipa May 16 tarik Sombar salni attam 1 bajio Mallang Siminaguri kal•chakram biapo Joint Action Committee Border of Meghalaya (JACBM) sima ario so•sojengjeng ong•enggipa obostani bidingo apsan tom•e chanchirimaniko dakna gita tik ka•ataha. Uni gimin manchisogimin salo Garo Hills-ni pilak NGO dilgiparang dongpae bak ra•aniko aro ku•monge apsan kam ka•aniko nangnikenga ine u•iataha.
Jedakode ia dal•begipa A•chik jatni ong•enggipa obostao bakrime dakchakpachina aro tom•anio bakko ra•epachina, MJAC gisik ka•tong gimikchi Garo Hills-ni NGO dilgiparangko mol•molataha.
Uni gimin donsogimin ba tik ka•gimin salo kamrang bang•genchimoba chakchikgija re•bae tom•anio bakko ra•epachina MJAC mol•moldapataha.