New Delhi, July 21, 2022: India a•songni Presidential Eleksin result-ko Bristibar salo parakatanio, BJP candidate Draupadi Murmu chegipa ong•e a•songni 15-gipa President ong•aha. Ua Tribal jatrangoni skanggipa President ong•aha aro me•chikrangoniba skangipa President ong•aha.
Ua BJP candidate ong•e, TMC-ni candidate Yashwan Singh baksa susaanio chegipa ong•a. Uni cheanina a•songni Prime Miniater Narendra Modi reault-ko parakatani bakan uko grongeaha aro kusi ong•chakani kattako aganne una nama sikaniko
on•angaha.
Indake Draupadi Murmu-ko President-na seokahani gimin, India a•songni manderang dingtang dingtang a•dokrango kusi ong•bee manianiko dakangaha aro nama sikaniko on•attokaha.
Apsandake Meghalaya a•dokni Skotong Minister Conrad Sangma-ba India a•songni gital President Draupadi Murmu-na kusi ong•chakani kattako aganata baksana nama sikaniko on•atpaaha.