Meghalaya a•dok NHA-ni ge•gni cateogory-o award man•a

0

Shillong, Sept 29, 2022: Meghalaya a•dok sorkari Health Infrastructure-rangko namdapatna rakbee kamrangko ka•anichi National Health Authority (NHA)-ni ge•gni Cateogory-o ‘Ayushman Utkrishtata Puraskaar 2022’ ba Ayushman Excellence Award-ko man•aha.

Meghalaya a•dok ‘Best Performing State (Small)’ aro ‘Top Performing State/UT Accolade’-ni Category-o award-ko man•aha. A•songni skotong songjinmao NHA-ni on•atanggipa ge•gni award-ko man•anina a•dokni Skotong Minister Conrad Sangma Twitter-o uni katchaaniko jinma baksa apsan kusi ong•e maniangna, tweet ka•ataha. Ua a•dokni Health Department-o kam ka•enggipa Dokdor-rang, nurse-rang, Officer-rang aro Grassroot level-o kam ka•enggipa manderangko uamangni gisik nangbee kamrangko ka•e a•dokna mikkim rasongko ra•baanina mittele aganataha.

Batanggimin somoio Skotong Minister Conrad Sangma jinmana aganprakengon, “MDA sorkari health sector-ko namdapatna aro manderangna chu•onga gita sanna bannaniko on•na krenge kamrangko ka•enga” ine aganaha.

Indake Meghalaya a•dok NHA-ni ge•gni Category-o award-ko man•aniara, Health Department-ni gong•e kamrangko ka•ani bitesa ong•a ine Twitter-o jinmana parakataha.

A•songni Union Health Minister Mansukh Madaviya, Arogya Manthan 2022-ni bon•kamgipa salo Meghalaya a•dokna Award on•angaha. Arogya Manthan 2022-ko Ayushman Bharat PMJAY-ni bilsibri gapaniko aro Ayushman Bharat Digital Health Mission-ni bilsisa gapaniko manijole sal gnina ong•atangaha.

Leave A Reply

Your email address will not be published.