Williamnagar, July 21, 2022: East Garo Hills a•jani NGO-rang GSU, FKJGP, FAF aro AIGU Williamnagar songjinmani MeECL Department-ko Bristibar salo office picketingko a•bachengataha.
Indake office picketing ka•ani skanggipa salo tom•tome matchotangaha. Apsandake Sukrobar saloba office picketing ka•angkugen ine parakataha.
NGO-rang MeECL Department-o chu•onga gita kam ka•gipa manderangko rakkichina dabie office picketing-ko ka•engachim. NGO-rangni parakatani gitade, MeECL Department-o kam ka•gipa manderang chu•ongjani a•sel bijoli watanirang tik ong•jaenga. Uasan ong•aigija, Department-o kam ka•enggipa manderangko biap ge•saoni ge•gipin-ona ra•jitroroe dongengani bidingo sing•sandianiko dakahaon, bang•a A•chikrangko Khasi Hills a•jaona kam ra•jitangaha, indiba Khasirangko saksaba Garo Hills a•jaona ra•jitbaa dongskaja ine parakataha. Khasirangko Garo Hills-ona ra•jitbagenchimoba bilsi 1-ni gisepon uamangko a•jatangona rimangpilronga ine u•iataha.
Re•anggipa 2021 aro 2022 bilsio, Khasi Hills a•jao MeECL Department bang•a manderangko kamo rakkiaha, indiba Garo Hills a•jao saksakoba rakkia dongja. Iani bidingo bang•a manderang Department-o sing•doangaha aro RTI-ba ka•aha, indiba maming aganchakaniko man•jaha.
Indake East Garo Hills a•jani NGO-rang salgni joljol Sukrobar salona office picketingko ka•anggen aro mikkangchi dakna nanga kamrangni bidingo July 23 tariko tom•e chanchianggen ineba u•iataha.
NGO-rangni office picketing ka•ani skanggipa salo tom•tome matchotangaha. Apsandake Sukrobar saloba office picketingko ka•angkugen, indiba department-ni line-manrang kamtangko ka•na gita man•aigen ine GSU Eastern Zone-ni President Saljrang Tengrik R.Marak u•iataha.