Tura, April 10, 2022: West Garo Hills-ni MP, Agatha Sangma National Testing Agency-o re•baenggipa Common University Entrance Test (CUET)-ni porikkana Tura-o Test Centre-ko kulie on•na nanga ine mol•molangaha.
Agatha Sangma a•songni Union Education Minister Dharmendra Pradhan-na chitti seatengon, WGH a•jaoba ge•sa Test Centre-ko nangchongmota ine janapataha.
“West Garo Hills a•jao ge•samangba CUET-ni Test Centre dongja, uni gimin NTA-dol Tura-o Test Centre-ko ra•ange on•chongmotna nangchongmota” ine ua chittio janapataha.