Tura, July 24, 2022: YouTuber saksa an•tangni janggi tanganio a•dokni bang•a biaprangchi songreengon,Tura songjinmao roanganian uni janggi tanganio namjabatsranggipa experience ong•aha ine an•tangni channel-o parakataha.
Ua May jao Tura songjinmako roramna re•bamiting somoio,Chu pekgipa manderang sakgni uko ong•gija potchipe, camera-ko ra•sekdrana jotton ka•aha aro uko ka•mikkenatan baksa saknataha. Indakgipa koborko man•soani bakan West Garo Hills a•jani Pulisrang ua sakgni manderangko sandie rim•aha.
Youtuber ia mamlako bakroatna sikjae, uamangna seachi compromise ka•china mol•molaha. Indake ua Youtuber-ni namgrikna ba compromise ka•na mol•molataniko man•soe, pulisrang dos dakgipa sakgni manderangko mikkangchi changgipino indake daktaijachina aganne wataha.
Indake ong•engon, Sonibar salo ia obostani bidingo ua Youtuber an•tangni channel-o video-ko wataha, iani a•sel bang•a manderang dos dakgipa sakgni manderangko ding•chaoe ka•mikennate roenga ine u•iataha.
Ia obostani gimin pulisrang, nanga gita ja•kuko de•manaha uni gimin darangba ia video-o ong•anggipa obostako nike ding•chaona nangja ine pulisrang mol•molataha.