WTO Tura-o niam gri bading chiwalgiparangni Trading License-rangko sing•sandia

Tura, July 7, 2022: Womens’ Trading Organization (WTO) Bristibar salo Tura songjinmao dokkan dakenggipa pilak manderango Trading Licence dongama dongja uko sandiaha.

Womens’ Trading Organization-ni President Ma Monika Momin, “Chinga Bristibar salo Tura songjinmao dokkan dakenggipa pilak dokkanrangko sandienba uamango Trading Licence dongama dongja uko sing•sandiaha. Indake chinga sing•sandianiko dakahaon, mitam dokkan dakgiparang GST Tax mangmangko game bading chiwalenga” ine parakataha.

WTO niam gri bading chiwalenggipa aro dokkan dakenggipa manderangni kosako badi ka•aha. Monika Momin-ni u•iatani gitade, uamang darangkoba niam gri Garo Hills-o sada, biri aro uandakgipa bosturangko palna on•jawa. Tura songjinmao chona bosturangko bading chiwale nokdang rikenggipa A•chik Ma•giparang Trading Licence dongeba bading chiwalna cholko man•jaenga, indiba rorirangde Trading Licence griba GST Tax mangmangko game palna sim•na man•na. Ia kamko anga ong•niksrangja aro raken jegala.

“Chinga mikkangchiba dokkan dakenggipa ge•antionikon Trading Licence-rangko sandianggen aro a•jao niam gri bading chiwalna on•jawa” ine Monika Momin aganaha.