Bichang T Sangma Chennai-o gimaenga

0

Baghmara, July 7, 2022: South Garo Hills a•jani ning•o ga•akgipa Kongkona songni saksa Bichang T Sangma, June jani 8 tarikoni gimaenga ine u•iataha.

Uni jikgipani u•iatani gitade, ua ripengskarang baksa Chennai songjinmao kam ka•na re•angahachim, indiba uni gimin maming kobor dongjaha ine aganaha.

Bichang T Sangma-ni maming kobor dongjani gimin uni jikgipa Kraistina R Sangma, July jani 5 tariko Sibbari Pulis Station-o Missing Report-ko segataha. Uni Missing Report-o janapatani gitade, South Garo Hills a•jani Baikhona songoni sakgni manderang Jipsin Ch. Momin aro Silnang R. Marak June 4 tariko uamangni nokona re•bae, uamang baksa Chennai-ona re•ange Company-o kam ka•china didiaha. Indiba uni segipa tangka paisa dongjae, uamang baksa re•pana jechakaha. Indake ong•engon Jipsin aro Silnang uni segipana re•a doani korosrangko on•chakgen aro maming dakeba jajrengna nangjawa ine ka•dongataha. Uamangni ka•dongatani gimin uni segipa June jani 8 tariko Jipsin aro Silnang baksa Chennai-ona re•angpaaha ine u•iataha.

Indake uamang sakgni baksa re•angaonin Bichang T Sangma Chennai aro gipin biapo brange dongenga, ine uni jikgipa Kraistina R Marak July jani 5 tariko Missing Report-ko on•aha.

Leave A Reply

Your email address will not be published.