Tura, July 7, 2022: Garo Students Union (GSU) Silkigre Unit Bristibar salo South Garo Hills a•jani Deputy Commissioner-na lekka sedoatenba, District Elementary Education Officer (DEEO)-ni kosako badi ka•angaha.
GSU Silkigre Unit-ni janapatani gitade, 2022 bilsi a•bachengaoni da•alona kingkingba Mon Rongsnagre Govt LP Skul kulikujaenga. Bilsi paksa ong•piloba ia skulko da•onan kulichipkujaenga, da•o jadokni porikkako seani somoi ong•engahachim. Right To Education (RTE)-o janapani gitade, bilsi 14-na kingkingde bi•sarang tangka paisa gri indin sorkarini skulo poraina man•gen ine sea gnang. Indiba Mon Rongsnagre songni bi•sarang, an•tangtangni Right-ko gimaatengaha.
Uni gimin ia obostarangko niroke indita jarangna kingking bi•sarangni bida gimaaniko ta•rake District Elementary Education Officer (DEEO)-ni kosako aro ia obostao bak donggipa pilak manderangni kosako ja•ku de•angna nanga ine GSU Silkigre Unit-ni Preaident Jhonpikilap R.Sangma dabiangaha.