Tura, June 23, 2022: Tura elekka-ni MDC Bernard N. Marak, West Garo Hills a•jao network namjani gimin matnangataha.
“West Garo Hills a•jao adita antirangna network namjani a•selo manderang bang•a neng•nikanirangko man•enga. Iandakgipa obosta ong•anirangko kobor ra•grikna network dongjani a•sel man•jaengaha. Salantian bang•a neng•nikanirangko chagrongna nangenga” ine parakataha.
Bernard Marak, South Garo Hills a•jani bang•a songrangna cha•anirang, samrang aro chola ba•rarangko on•gilatpana amengachim, indiba network namjani a•selo songni darang baksaba chu•gimik badita nokdangrang nosto ong•aha uko kobor ra•na gitaba chol ong•jaenga ine u•iataha.
Indakgipa obostani somoio dilgiparang dol ska dol mikkang nitegija apsan krimkro kamko ka•na nanga. “Duko ga•akenggipa nokdangni manderangni SOS message-rangko social media-rango niksoe, anga ka•a be•a. Anga je cholchiba uamangna ta•raken dakchakanirangko sokatna ka•gen aro nangani bosturangko sokatanggen” ineba Marak parakataha.