ATS-ni niamrangko ja•rikode dollongrang nosto ong•jawachim: Bernard Marak

0

Tura, June 23, 2022: Mikka jimbee waani a•sel bang•a bolni dollongrang aro sorokrang nosto ong•aha, indiba Agreed Text for Settlement (ATS)-ko name ja•rikjani a•selsa ong•aha ine Tura-ni MDC Bernard N. Marak matnangaha

BJP sorkari bilona re•baani ja•mande bang•a kamrangko name ka•aha aro manderangni dabianirangko chu•sokate on•na jotton ka•aha. Indiba ma•mong sorkarina bang•a dilgiparang chu•gimik jachipchangrangko watatgija cha•bokronga. ATS-ni para 6.3-o janapani gitade, Garo Hills-ni ramarang aro dollongrangko name nirokna nangchongmota ine janapani gnang.

Iani bidingo, ma•mong sorkari aro a•dok sorkari nirok sandina bang•a ja•kurangko de•na chanchirimaniko dakaha. A•dokni pilak a•jarangon sorok aro dollongrangko namdapatna 12-gipa Plan-o janapani gnang. Bolni dollongrangko, baikamgipa RCC dollongona tarina nanggen ine 12 Plan Periodo janapaha. Garo Hills-oni Dhubri-ona aro Khasi Hills-ona tarigipa ramarangko India sorkarini, MORTH-ni gita ra•chakako man•aha.

Garo Hills aro Khasi Hills ramarango donggipa bolni dollongrangko da•ona kingkingba RCC dollongona taridapkujaenga. Iarang gimikkon bang•a tom•anirango ku•monggimin aro tik ka•gimin gita ja dokprako chanchirimaniko dakjani a•sel ong•enga.

ATS-ni niamrangko sorkari ja•rikja. Mikka waani a•sel bang•a dollongrang nosto ong•ako man•aha. Sorkari ATS-ni dongimin niamrangko kimkim ong•e ja•rikgenchimode, dollongrang nosto ong•jawachim. Garo Hills-ni bang•a a•jarango mikka wae nosto ong•ako man•gipa biaprang aro songrangna BJP dol dakchakanirangko sokatna jotton ka•enga ineba Bernard Marak parakataha.

Leave A Reply

Your email address will not be published.