Tura, April 12, 2022: West Garo Hills a•jani District Horticulture Officer, Ginger Mission Spice Development (GMSD) 2022 aro 2023 scheme-ni gimin Rongram-o tom•aniko ong•atangaha.Ia tom•anio Chief Minister-ni agan-ku•pattitimgipa (Adviser) Thomas A. Sangma aro MCCL-ni Vice-Chairman Dabo M Marak mongsonggipa sokgipa ong•e ia mission-ko oprake on•angaha.
Indake ia tom•anio Thomas Sangma, a•jao e•chingrangko pala sim•ani damrang namen komiani gimin aganangengon, sorkari ia obostako sing•sandie nigrikenba Ginger Mission-ko a•bachengataha. Ia Mission-ni miksonganiara e•chingrangko ge•e gamme cha•enggipa manderangna chu•onga gita dakchakaniko on•an baksa e•chingrangko kraa damrango palna gita dakchakaniko on•gen ine aganangaha.
Tura Municipal Board-ni Chairman J D Sangmaba dongpae e•chingni gamchataniko aro namgnirangko jinmnana agantalate on•angaha. Uni talatanga gitade, Dubai aro China a•songrango Garo Hills-ni e•chingrangko dabitoka ine aganangaha.WGH a•jani Horticulture Department-ni Assistant Director Paulette A Sangma, an•chingni a•jao sak 1200 e•ching ge•e cha•gipa manderang gnang, uamang 70% de ge•a gamanio aro 30% de rokomanti me•surangko ge•na jakkalangskaa ine aganaha.