WGH a•jao Swachh Bharat Diwas 2022-ko manianga

0

Tura, October 3, 2022: Swachhata Hi Seva Campaign-ni bak gita, West Garo Hills a•jao District Level Swachh Bharat Diwas 2022-ko Gambegre C&RD Block-ni ning•o donggipa Aminda Rangsa Multi Facility Centre-o maniangaha.

West Garo Hills a•jani District Swachh Bharat Mission (Gramin) ia manianiko ong•atangaha.

Ia manianiona WGH a•jani Extra Assistant Commissioner, Saljagring G.Momin mongsonggipa sokgipa ong•e bakko ra•angaha. Ua jinmana aganprakengon, “An•ching be•en bimangkosan ong•aija, indiba songtangko aro salanti nikenggipa wilwilao donggipa biaprangko rongtale rakkina nanga” ine aganangaha.

Mathatma Gandhi-ni Clean India-na niksamsoanirangko jinmana aganparakenba October 2 tariko Swachhata Hi Seva-ni gita Statewide Campaign-ko ka•e songko nokko rongtalatchina didiangaha.

Songsalko rongtale rakkienchimode, an•chingni be•en bimangba rongtala. National Statistics Report-ni gitade, a•songni 70% manderang sanna bannanio an•tangtangni tangka paisarangko bon•ata. Uni gimin an•ching man•na dipet be•en bimangko mangrake aro rongtale rakkia gitan songsalko rongtale rakkina nanga ine aganangaha.

Unbaksana A•chikrangoni saksa mingsing minggamgipa Actor, Sheamnath A. Sangma-ba ia tom•anio Special Guest ong•e bakko ra•enba plastikni namgijako talate on•angaha aro man•a dipet plastikko jakkalna nangja ine didiangaha.

Indake ia tom•anio mongsonggipa sokgipa aro Special Guest ong•e okamatako man•gipa, Open Defecation Free (ODF) Plus Model Village-ni Certificate-rangko dam bonga songrangna suale on•angaha. Uaranga Rongram Block-ni Ganol A•pal, Gambegre Block-ni Aminda Rangsa, Dalu Block-ni Marapara Dadenggre Sub-Division-ni Boldampitbari, Tikrikkila aro Kalsingre songrangna Certificate-rangko on•angaha.

Leave A Reply

Your email address will not be published.