Tainang Karukol dollongko tarie on•jani a•sel songni manderang suk ong•gijaniko parakata  

Karukol, Oct 5, 2022: Re•anggipa 2017-18 bilsio Rongara Siju elakkani gitcham MLA Rophul S.Marak-ni tarie on•anggipa Tainang-oni Karukol songona kabatgipa dollongko wachio chi man•pakangani a•sel neng•nikaniko man•enga ine songni manderang koborna u•iataha.

Ia dollong MLA Rakkam A.Sangma-ni nokona ba gittimona batsotgipa dollong ong•achim, indiba Rakkam Sangma an•tangni nokona re•gipa dollongko da•onaba tarichipgija donenga ine u•iataha.

Ia dollong nosto ong•ani a•sel Rakkam Sangma (Chidimpa) an•tangni nokona gari ra•angna man•jae rama tong•sao donne ja•achi re•angenga ineba u•iataha.

Ia dollongko MLA saksan re•ja, indiba Karukol songni bang•a manderang salanti ia dollongko ga•bate re•na nangenga. Rakkam Sangma MLA ong•a, bilsi bonga ong•pilengok, indiba gittimtangni rama jal•langko tarie on•na gisiko nangja ine songni manderang suk ong•gijaniko parakataha.

Uni gimin ia Tainang-oni Karukol-ona kabatgipa dollongko ta•rake taripile on•china songni manderang mol•molataha. Maina jolni manderang ia dollong nosto ong•ani a•sel re•a doanio namen neng•nikaniko man•enga ineba u•iataha.