Tura, March 21, 2022: West Garo Hills a•jani ICAR-KVK batanggimin salrango TSP Project-ni ning•o damgittam Animal Vaccination cum Health Camp-ko Meboldarechikgre, Aminda Simsang aro Gambegre Block ni ning•o donggipa Nengja Bolchugre songo ong•atangaha.
Ia Health Camp-o Swine Flu do•orang aro wakrangni sabisiko chel•chakna gita tikkarangko su•angaha aro HS, BQ sabisioni matchurangko chel•chakna gitaba matchurangko tikka su•angaha.
Ia gegittam Health Camp-o wak mang 82 aro matchu mang 212-ko tikka su•angaha. Ia
Health Camp-ko ong•atanio tikka rangkosan su•aijaha indiba sae donggengipa matchu,wakrangkoba sanna bannaniko dakangjolaha.
Indake Nangchongmotgipa samrangko, vitamin- rangko aro mineral mixtures-rangko noktangtango jila donggipa nokdang ge 152-na sualangaha ine koborna u•ataha.