Guwahati, March 21, 2022: All Guwahati A•chik Students Association (AGASA)-ni seokgimin dilgiparangko songbad watatpachina mol•molataha.
Ja•manchake koborko on•atani gitade re•anggipa 2005 bilsini January 22 tariko Guwahati-o donge poraienggipa chatro chatrirang apsan ku•mong jatni dakbewal rikbewalrangko ripingna aro nangan salo ku•cholsan ong•e kamko ka•na miksonge AGASA-ko bikotahachim.
Indake March 20 tarik Robibal salni pring 10-onk walni 1 bajiona, Meghalaya House Rehabari, Guwahati-o, AGASA-ni chang 17-gipa General Eleksin-ko ong•ataha.
Ia gital seoka man•gipa Executive memborrangara
Tra Mary Lily A. Sangma President,
Te Spainer A. Sangma Vice President,
Te Christwil Ch. Marak General Secretary,
Tra Dodame M. Marak Assistant General Secretary-ko seokangaha.
Ia eleksinko ong•atanio bang•bea Guwahati-ni wilwilao dongipa A•chik chatro chatrirang re•bae bakko ra•angaha aro ia eleksinko namen chu•sokatna man•anina Nokgipa Isol-ko mittelangaha.
“Anga, angni nama skaniko gital seoka man•gipa Executive memborrangna on•ata baksana uamangni dilanichi AGASA silroro namrorogen ine anga ka•donganiko AGASA-ni gitcham President, Ociel N Marak, AGASA-ni Chief Eleksin Commissioner, Selviastian Silangku A. Sangma-na mittelpilskaaniko on•ataha.