Shillong, March 21, 2022: A•dokni chadamberang niksamsoanirangko aro ku•rangko knae uamangna dakchakaniko aro kamrangko namdapatna Meghalaya@50 Youth Survey-ko March 14 tarikoni oprake on•angan baksana a•dokni pilak a•jarangon Meghalaya Youth Engagement and Training Program-rangko a•bachengataha.
Aspire Meghalaya 2.0-ni ning•o ong•atgipa Meghalaya Youth Engagement and Training Program-ni gita chadamberangna miksongatangko chu•sokatna bang•a dakchakanirangko on•anggen. Meghalaya Democratic Alliance (MDA) sorkarini bilsi bri gapaniko ku•si ong•e manimiting salo a•dokni Skotong Minister Conrad Sangma Meghalaya Youth Engagement and Training Program-ko oprake on•angaha.
“An•ching a•dokko silroroatna namroroatna an•chingni chadamberangko nama ramao aro nama skianiko on•na nanga dongjaode uamangsa a•dokni dilgipa ong•e nirok sandinagipa ong•aIndia a•songni nambatsranggipa dam 10 a•dokrangni gisepo Meghalaya-ba biming dongpana nanga ine jotton ka•anio pilakan bakko ra•pana nanga. Meghalaya Youth Engagement and Training Program-ni gita bang•a chadamberang nama skianiko man•gen aro mikkangchi a•dokko sildapatna aro namdapatna kamko ka•anggen ine anga ka•dongsoenga” ine Conrad Sangma aganaha.
Ia program-o Education Department-ni, Directorate of Skul Education and Literacy (DSEL), Sports & Youth Affairs Department-ni dakchakanichi a•bachengatgipa program ong•a. Ia program-ko jinmana oprake on•ani salo a•dokni Sports & Youth Affairs-ni Minister Banteidor Lyngdoh, Sports & Youth Affairs-ni under Secretary Shivansh Awasthi, Sporth & Youth Affairs-ni Commisioner & Secretary Vijay Kumar aro WGH a•jani Deputy Commissioner Ram Singh bakko ra•angaha.