Tura, January 12, 2022: West Garo Hills a•jani Deputy Commissioner, Ram Singh section 144 CrPC-o pangchake attam 6 bajioni pring 6 bajiona India aro Bangladesh a•songni sima ario miter 100-na bate re•na dona man•jawa ine u•iataha.
“Anga bang•a changon sima ari gita sruk sruk re•gipa, cha•ue cha•gipa aro niam gri bading chiwalanirangko kobor man•soenba uandakgipa kamrangko champengna 144 Cr.PC-ko ra•gataha. Jedakode gipin a•songoni napbaenggipa aro badingsrukenggipa manderangoni a•jatangko simsake aro naljoke rakkina man•gen” ine DC u•iataha.