Shillong, March 3, 2022: Ukraine a•songo songdonge bida ko skie ra•enggipa Meghalaya a•dokni sak 29 chadamberang, India a•songona naljoke sokbaaha aro dongrikenggipa sak 2 chadamberangko a•songni sima ari songo naljokataniko on•enggipa songona rimangaha aro sak 11 chadamberangko sepangbatgipa a•songona sokatna gita man•aha.Uamangko naljokatna gita sildoreng ko watatgen aro uamang a•songtang ona taraken naljoke sokbana gita man•gen ine a•dokni Skotong Minister Pa Conrad Sangma Twitter o jinmana u•iataha.
Unbaksana ua PMO aro External Affairs ni Minister rangkoba Ukraine o poraienggipa chadamberangko naljokate a•songtangona rimbapilna dakchakanina de•mitele aganangaha.